Qoşulmama Hərəkatına üzv ölkələrin dövlət və hökumət başçılarının XVIII Zirvə Görüşündə iştirak etmək üçün ölkəmizə qonaqlar gəlməkdə davam edir.
AZTV.AZ xəbər verir ki, gecə saatlarında Malayziyanın Baş Naziri Mahathir Bin Mohamad, Banqladeş Xalq Respublikasının Baş Naziri xanım Şeyx Hasina, Nepal Federativ Demokratik Respublikasının Baş Naziri Khadqa Prasad Şarma Oli, Liviyanın Baş Naziri Faiz Sarac, Qananın Prezidenti Nana Akufo-Addo, Əfqanıstan İslam Respublikasının Prezidenti Məhəmməd Əşrəf Qani, Əlcəzair Xalq Demokratik Respublikasının Prezidenti Abdelkader Bensalah, Sudan Respublikasının Prezidenti Abdul-Fattah Al-Burhan, Ekvatorial Qvineyanın Prezidenti Obiang Nguema Mbasogo, Esvatininin Kralı III Msvati, Namibiya Respublikasının Prezidenti Haqe Qotfrid Qeynqob, Bosniya və Herseqovinanın Rəyasət Heyətinin serb əsilli Sədri Milorad Dodik, Pakistan İslam Respublikasının Prezidenti Arif Alvi, Cibuti Respublikasının Prezidenti İsmail Ömər Qelleh, Venesuela Bolivar Respublikasının Prezidenti Nikolas Maduro Azərbaycan Respublikasına səfərə gəlib.
Qonaqları hava limanında Azərbaycanın Baş Nazirinin müavini Əli Əhmədov, Xarici İşlər nazirinin müavini Ramiz Həsənov və digər rəsmi şəxslər qarşılayıblar.