Dövri Nəşrlər və Sosioloji Araşdırmalar Departamenti

         2006-cı il dekabr ayının 31-dək «Ekran-Efir» qəzetinin redaksiyası, 2007-ci il mart ayının 15-dək «Dövri Nəşrlər» redaksiyası adlanan bu qurum hazırda «Dövri Nəşrlər və Sosioloji Araşdırmalar» Departamenti adlanır.
         Departamentə aşağıdakı strukturlar daxildir:
1) «TV plyus» jurnalının redaksiyası
2) «Ekran-Efir» qəzetinin redaksiyası
3) Rəy sorğusu mərkəzi
         «TV plyus» jurnalı ölkənin ilk teleradio jurnalıdır, aylıqdır. 2007-ci ilin yanvarından dərc olunur.
         «TV plyus»da ölkənin siyasi və iqtisadi həyatının mənzərəsi, Azərbaycan Televiziyasının yeni layihələri, ölkə teleməkanı barədə yazılar, dünya televiziyaları, yeni telelayihələr, kino xəbərləri, yeni filmlərin təqdimatı, yerli və xarici tele-kino ulduzlar barədə materiallar, eyni zamanda, müxtəlif araşdırmalar, reytinqlər, sağlamlıq, avtomobil, dəb, idman mövzularında yazılar dərc edilir.
         2007-ci ildə jurnalın 3 xüsusi buraxılışı işıq üzü görüb. Bunlardan biri ölkə mediasının görkəmli nümayəndəsi Nəsir İmanquliyevə həsr edilib. Digəri tarixində ilk dəfə əsl islahatlara başlanılmış Azərbaycan Televiziyasında bir il ərzində əldə olunmuş nailiyyətləri əhatə edib. Sonuncu xüsusi buraxılış isə Ümummilli lider Heydər Əliyevə həsr olunub. «Əbədiyyət» adlanan bu buraxılışda Heydər Əliyevin həyat yolu, fəaliyyəti barəsində görkəmli şəxslərin söylədikləri fikirlər, özünün aforizmləri, habelə fotoşəkillər toplanıb.
         «Ekran-Efir» qəzeti 1957-ci ildən işıq üzü görür. 2007-ci ilin yanvarından qəzet 8 səhifəlik həcmdən 16, 2007-ci ilin sentyabrından isə 24 səhifəyə keçib. Qəzetdə Azərbaycan Televiziyası və Radiosunun, ölkənin digər telekanallarının, eyni zamanda, aparıcı xarici peyk kanallarının həftəlik proqramları, ən müxtəlif tele-kino reytinqlər, televiziya və kino xəbərləri dərc edilir.
         Rəy sorğusu mərkəzi Azərbaycan Televiziyasının proqramlarının, qurumlarının, ölkə telekanallarının reytinqlərini, teleauditoriyanın tərkibini müəyyənləşdirir.
         Mərkəz anonim telefon və anket sorğularına üstünlük verir. 2007-ci ildə 7086 respondent arasında telefon sorğusu, 52 idarə və müəssisədə adbaad rəy sorğusu keçirilib.
         Departamentin direktoru Varis Yolçuyevdir.

Telefon: 439 5117, 439 7065
Faks: 492 8052
E-mail: tvplus@aztv.az