İctimai-Siyasi Proqramlar redaksiyası

         Azərbaycan Televiziya və Radio Verilişləri Qapalı Səhmdar Cəmiyyətinin İctimai-Siyasi Proqramlar redaksiyası həftə ərzində «Günün nəbzi» (biri dörd nəfər qonaqla və tamaşaçılar olmaqla, o biri isə bir və ya iki qonaq olmaqla iki formatda), «Həftə», «Bizim planet», «Kənd saatı» informasiya-analitik və ictimai-siyasi proqramlarını tamaşaçılara təqdim edir. Hazırda daha iki layihədən biri tam hazır, o biri isə hazırlanma mərhələsindədir. Bu redaksiyanın əməkdaşları xüsusi çevikliklə tamaşaçıların diqqətini ölkədə və dünyada baş verən ən vacib siyasi, ictimai, sosial hadisələrə cəlb edir, onların mahiyyətini dürüst və qərəzsiz mövqedən təhlil etməyə çalışırlar. Hadisələrə politoloji və elmi nöqteyi-nəzərdən yanaşıldığı üçün redaksiyanın fəaliyyəti tamaşaçılar tərəfindən bəyənilir.
         İctimai-Siyasi Proqramlar redaksiyasının baş redaktoru İbrahim Məmmədov, baş rejissoru Pərviz İsgəndərovdur.