Mədəniyyət

Berlində “İTB Berlin” beynəlxalq turizm sərgisi öz işinə başlayır

09-03-2011 | 11:27        

  

Martın 9-da Almaniyanın Berlin şəhərində “İTB Berlin” beynəlxalq turizm sərgisi öz işinə başlayır. Azərbaycanın da təmsil olunduğu sərgi 5 gün davam edəcək. Mədəniyyət və Turizm Nazirliyindən verilən məlumata görə, beynəlxalq sərgidə ölkəmizin turizm potensialı 104 kvadratmetr lövhədə alman və ingilis dillərində hazırlanan bukletlər, broşürlər, CD-lər vasitəsilə nümayiş etdiriləcək. Nazirliyin nümayəndə heyəti ilə yanaşı Azərbaycan Dövlət Mahnı və Rəqs Ansamblının 6 üzvü, ölkəmizdə fəaliyyət göstərən 12 hotel və turizm şirkətinin əməkdaşları Almaniyaya ezam olunub. Qeyd edək ki, Azərbaycan “İTB Berlin” beynəlxalq turizm sərgisində hər il iştirak edir.