Fövqaladə Hallar Nazirliyi mayın 7-də  baş  vermiş zəlzələ  nəticəsində ziyan  dəymiş  rayonların  əhalisinə yardımların paylanılmasına  başlayıb. Artıq  Zaqatala, Qax və Balakən  rayonlarında 57 ailəyə  yardım  olunub.

Mayın   7-də  baş  verən  zəlzələ ilə əlaqədar  Balakən  rayon  Fövqaladə  Hallar  Komissiyasına  300-dən  artıq  müraciət  daxil  olub. İlkin  araşdırmaya  əsasən  146  evin  ciddi  xəsarət  aldığı  müəyyən  edilib.  Fövqaladə  Hallar  Nazirliyinin  komissiyası  tərəfindən  aparılan  yoxlamalar  nəticəsində  40  evin  yenidən  tikilməsi qərara  alınıb. Zəlzələnin  nəticələrinin  aradan  qaldırılması  üçün  zəruri  tədbirlərin  görülməsinə, eləcə də  əhaliyə  yardımların  paylanılmasına  başlanılıb. FHN tərəfindən Balakən  rayonunun  kəndlərində  ehtiyacı  olan  ailələrə  çadrlar  paylanılıb, ərzaq  və  geyim yardımları təqdim olunub.

Təbii fəlakətdən zərər çəkmiş bölgədə yardımların  paylanılması  və zəlzələnin  nəticələrinin  aradan  qaldırılması istiqamətində aparılan  işlər davam  etdirilir.