Cəmiyyət

MSK bəzi bələdiyyələrə təkrar, əlavə və yeni seçkilərə hazırlıq çərçivəsində təlimlərə başlayır

11-11-2011 | 11:23        

  

Mərkəzi Seçki Komissiyası noyabrın 30-da keçiriləcək bəzi bələdiyyələrə təkrar, əlavə və yeni seçkilərə hazırlıq çərçivəsində noyabrın 11-dən təlimlərə başlayır. Dairə seçki komissiyalarında fəaliyyət göstərən 168 təlimçi üçün təşkil olunacaq treyninqlərdə seçki günü icra olunan müxtəlif prosedurlarla bağlı məşğələlər keçiriləcək. Bu seminarlar MSK-nın bəzi bələdiyyələrə təkrar, əlavə və yeni seçkilərlə bağlı hazırladığı maarifləndirmə proqramının layihələrindən biridir. Komissiyanın mətbuat xidmətinin məlumatına görə, qarşıdan gələn seçkilərdə “exit-poll” keçirməklə bağlı Komissiyaya müraciət daxil olmayıb. “Təqvim Planı”-na əsasən “exit-poll” keçirmək niyyətində olan təşkilatlar akkreditasiyadan keçmək üçün sənədlərini quruma noyabrın 10-dək təqdim etməlidirlər.