Böyük Britaniyanın “Vodafone” şirkətinin satışları 8 ildə ilk dəfədir ki aşağı düşüb. Martda bitən 2012-2013 maliyyə ilinin nəticələrinə görə dünyanın ən iri mobil operatorunun gəlirləri 4.4% azalıb.

İsveçdə işsizlərin sayı artıb. Ölkənin statistika idarəsinin məlumatına görə aprel ayında işsizlik göstəricisində ötən ilin eyni dövrü ilə müqayisədə 0.7% artım qeydə alınıb.

“Euronews”un məlumatına görə Yunanıstan təcili olaraq iki bankını satır. Bank sisteminin yenidən təşkilini həyata keçirən Yunanıstan fondu “Postbank” və “Proton” maliyyə institutlarını iyula qədər satmağa hazırlaşır.

ABŞ-ın texnologiya nəhəngi “Apple” şirkəti milyardlarla dollar vergidən yayınmada ittiham edilir. Bu barədə faktlar senat tərəfindən aparılan araşdırmada ortaya çıxıb.