Bu gün Azərbaycan Televiziyasının (AzTV) “Hədəf” verilişində “Azərpoçt” MMC-nin pandemiya dövründəki fəaliyyəti ətrafında müzakirə aparılıb.

MMC-nin Poçt xidmətləri departamentinin direktoru Məmməd Dadaşov və İctimaiyyətlə əlaqələr şöbəsinin rəhbəri Mehman Balabəyov qurumun işinin bu dövrdə necə qurulması barədə ətraflı məlumat veriblər.

Pandemiya zamanı xarici ölkələrlə əməkdaşlıq xüsusi vurğulanıb və poçt mübadiləsi aparılan ölkələrin sayı açıqlanıb.

Bidirilib ki, “Azərpoçt” xüsusi karantin rejimi dövründə bir sıra layihələrin həyata keçirilməsinə dəstək verib.

Qurumun işçiləri arasında koronavirus infeksiyasının yayılmasının qarşısının alınması üçün görülən işlər barədə də “Hədəf”də məlumat verilib.