Latviyada sənədli diskussiya proqramları təqdim edən “Riga 24” televiziya kanalının “Xəbər Vaxtı” proqramında 28 May-Respublika günü münasibətilə reportaj yayımlanıb.
Tarixi video və fotolar əsasında latış dilində təqdim edilən videomaterialda Azərbaycan Xalq Cümhuriyyətinin yaranma tarixi, demokratik inkişaf yolu, tarixi şəxsiyyətləri, dövlət rəmzləri haqqında məlumat verilib. Reportajda Azərbaycanda müstəqil dövlət quruculuğu və dünya demokratiya tarixinə töhfələri barədə söz açılıb.