COVID-19 pandemiyası ilə əlaqədar sərhədlərin müvəqqəti bağlanmasından sonra Türkiyədə qalan və Vətənə qayıtmaq istəyən azərbaycanlıların təxliyəsi davam edir.
Soydaşlarımızın təxliyəsi üçün növbəti çarter reysi mayın 22-də təşkil ediləcək. Bu reys vasitəsilə biri körpə olmaqla 174 azərbaycanlı İstanbul Hava Limanından Vətənə gətiriləcək.
Xatırladaq ki, COVID-19-la mübarizə tədbirləri çərçivəsində Azərbaycanla Türkiyə arasında hava və quru sərhədlərində gediş-gəliş martın 15-dən müvəqqəti olaraq dayandırılıb.
