“Mədəniyyət” Kanalı və Mədəniyyət Nazirliyinin birgə “Bizi birləşdirən mədəniyyət” layihəsi çərçivəsində “Opera dünyası” adlı layihəyə start verilir.

İlk həftə dünya şöhrətli bəstəkar, opera islahatçısı, dahi Cüzeppe Verdinin əsərləri təqdim olunacaq. Opera Teatrının musiqi kollektivləri və solistləri "Mədəniyyət" Kanalının efirində bəstəkarın əsərlərini ifa edəcəklər. Məqsəd Azərbaycanda dünya klassik musiqi nümunələrinin təbliği, eyni zamanda klassik vokal ifaçılarının evdə qalaraq daha aktiv, faydalı sənət nümayişini təmin etməkdir.