Prezident İlham Əliyevin göstərişinə uyğun olaraq, koronavirusdan qorunmaları üçün evlərindən çıxmaları qadağan edilən yaşı 65-dən yuxarı 10 mindən çox tənha vətəndaşa gündəlik sosial məişət xidmətləri göstərilir.
Sosial xidmətlərə dəstək olan qurumların sırası genişlənir. Heydər Əliyev Fondunun “Regional İnkişaf” İctimai Birliyinin könüllüləri yaşı 65-dən yuxarı olan tənha vətəndaşlara müxtəlif ərzaq məhsullarından ibarət sovqatlar çatdırır. Layihə çərçivəsində, eyni zamanda dərman vasitələrinin alınması, evlərdə həkim müayinələrinin təşkili kimi sosial xidmətlərin göstərilməsi də nəzərdə tutulub.