Baş Prokurorluğun Elm-Tədris Mərkəzində erməni silahlı qüvvələri tərəfindən Xocalıda törədilən soyqırım ilə bağlı Respublika Hərbi Prokurorluğunda araşdırılan cinayət işləri ilə əlaqədar brifinq keçirilib. Brifinqdə bildirilib ki, hazırda əməliyyat qrupunun apardığı cinayət işinin Xocalı soyqırımı epizodu üzrə 3 min nəfərə yaxın şahid və zərərçəkmiş şəxs qismində dindirilib.

Mədəniyyət və Turizm Nazirliyinin “Turizm ili”nin yekunlarına həsr olunan kollegiya iclası keçirilib. İclasda Nazirlik tərəfindən ölkəmizin mövcud turizm potensialının beynəlxalq aləmdə tanınması, turistlərin Azərbaycana çoxsaylı səfərlərinin təşkili, turizmin müxtəlif növlərinin inkişaf etdirilməsi, normativ-hüquqi aktların qəbul edilməsi, turizm sahəsində kiçik və orta sahibkarlığın inkişafı müzakirə edilib

Fevralın 22-də Yaponiyada “Pişiklər günü” qeyd olunur. 1987-ci ildən qeyd olunan gün Yaponiyada hər il keçirilir və heyvanların öyrənilməsini təblig edir. Yaponların qənaətinə görə, pişiklər miyoldayarkən çıxardıqları səs ikinci ayın 22-si anlamında işlənir.

Xocalı soyqırımının 20-ci illiyi ilə bağlı ABŞ-ın Merilend ştatının senatoru Brayan Froş açıqlama ilə çıxış edib. O, bildirib ki, təəssüf ki, tarix boyu günahsız insanlara qarşı bu cür amansızlıqların şahidi olmuşuq.