Madridin “Real” klubu İspaniya çempionu olarsa hər bir oyunçu 270 min funt sterlinq məbləğində mükafatlandırılacaq. “Real” Saraqosa ilə səfər görüşündə, “Malyorka” komandası ilə ev oyununda maksimum xal qazanmalıdır. Turnirin lideri “Barselona” ilə 36 turdan hərəyə 72 xal toplayan Madridli futbolçular, çempionluq uğrunda ciddi mübarizə aparırlar.
Bundan başqa kral klubu yeni sponsorluq də müqaviləsi bağlayıb. Yanvarda BenQ Mobile şirkəti ilə müqaviləsini dayandıran “Real”, Avstiyanın tanınmış bukmeker kontoru “Betandwin”lə razılığa gəlib. Müqaviləyə əsasən futbolçuların geyimlərində həkk olunan reklam yazısına görə ispanlar 20 milyon avroyadək gəlir götürəcəklər.
“Betandwin” bukmeker kontoru həmçinin İtaliyanın “Roma” klubunun da baş sponsorudur .

Avropa çempionatının təsnifat mərhələsindəki növbəti oyunun keçirən futbolçularımız səfərdə bir xal qazanıblar.
Almatıda yerli futbolçularla milli komandamızın cavab oyunu 1:1 hesabı ilə qurtarıb. Hesabı 30-cu dəqiqədə Vüqar Nadirov açsa da, Ruslan Baltiyevin 53-cü dəqiqədə cavab topunu vurub.
8 görüşdən 5 xal toplayan seçmə komandamız “A” qrupunun axırıncı pilləsindədir. Futbolçularımızın növbəti oyunu sentyabrın 8-də ermənistan komandası ilə olacaq. Görüşün keçiriləcəyi yer isə hələki məlum deyil.

19 yaşlı futbolçulardan ibarət milli komandamız Avropa çempionatının elit mərhələsində mübarizəyə qələbə ilə başlayıb. Gənclər seçməsi Norveçdə keçirilən 5-ci qrupun oyunlarında yerli komandaya 2:1 hesabı ilə qalib gəlib.
Sarpsborq şəhərindəki oyunun 41-ci dəqiqəsində hesabı rəqib komandadan Conatan Parr açsa da, 56-cı dəqiqədə norveçli qapıçı Lasse Stavın avtoqolu, 6 dəqiqə sonra isə hücumçumuz Nizami Hacıyevin vurduğu qol uğurlu starta bəs edib.
Arif Əsədovun yetirmələri iyunun 1-də Avropa çempionu İspaniya komandasına 0:4 hesabı ilə uduzub. Sarpsborq şəhərində danimarkalı hakimlərin idarə edtiyi görüşdə qollar 39, 76, 88 və əsas vaxta əlavə olunmuş 2-ci dəqiqədə vurulub.
Futbolçularımız iyunun 4-də İslandiya komandası ilə görüşəcəklər. Qrup qalibi iyulun 16-dan 27-dək Avstriyada keçiriləcək final mərhələsində iştirak edəcək.

Azərbaycan Televiziyasının “Telefortuna” komandası
Kiyevdə ümummilli lider Heydər Əliyevin xatirəsinə həsr olunmuş beynəlxalq futbol turnirini uğurla başa vuran Azərbaycan Televiziyasının “Telefortuna” komandası yarışın qalibi olub.
Ukrayna Jurnalistlər Assosiasiyası, yerli “İnter”, UTV-1 və “1+1” telekanalları, və digər 3 komandanın iştirakı ilə turnirin finalında “Kiyev ulduzları”nı 5:1 hesabı ilə məğlub edən “Telefortuna” dalbadal 4-cü dəfə baş mükafata sahib olub.
Kiyevdə keçirilən Biznes-Liaqanın yarşlarına da qatılan “Telefortuna” komandası həlledici oyunda 2-ci yeri tutub. Finalda AZAl komandası ilə görüşü 4:4 hesabı ilə başa vuran Azərbaycan Televiziyanın futbolçuları, penaltilər seriyasında qələbə şansını əldən veriblər .

Beynəlxalq Futbol İttifaqı (FİFA) 199 ölkənin aprel ayı üçün reytinq cədvəlini açıqlayıb. Avropa çempionatının seçmə mərhələsində Finalndiyanı məğlub edən milli komandamızın mövqeyi 20 pillə yüksəlib. Aktivinə 97 xal yazdıran futbolçularımız ermənistanı 24 pillə geridə qoyub.
Təsnifat mərhələsinin “A” qrupundakı rəqiblərimizdən Portuqaliya 7-ci, Polşa 21-ci, Serbiya 32-ci, Finlandiya 45-ci, Belçika 59-cu, Qazaxıstan 116-cı, Ermənistan isə 127-ci sıradadır.
Cədvəlin ilk 5 pilləsini İtaliya, Argentina, Braziliya, Fransa və Almaniya komandaları tutur.

Çempionlar Liqasının ardından UEFA kuboku turnirinin 2/1 finalçıları da məlum olub. Bu mərhələdəki 3 ispan klubu “Osasuna” və “Sevilya” rəqiblərinİ turnirdən kənarlaşdırıb. Oyunlarda aşağıdakı hesablar qeydə alınıb.
“Verder” (Almaniya) - “Alkmaar” (Hollandiya) 4:1
“Osasuna” (İspaniya) - “Bayer” (Almaniya) 1:0
“Tottenhem” (İngiltərə) - “Sevilya” (İspaniya) 2:2
“Benfika” (Portuqaliya) - “Espanyol” (İspaniya) 0:0
2/1 finalda “Espanyol” “Verder”lə, “Osasuna” isə “Sevilya” ilə görüşəcək.
Yarımfinal mərhələsinin birinci oyunları aprelin 26-da, cavab görüşləri isə mayın 3-də keçiriləcək.

UEFA Çempionlar Liqasının 2 yarımfinalçısı məlum olub. Romanı 7:1 hesabı ilə məğlub edən Mançester Yunayted və səfərdə Valensiya komandasına 2:1 hesabı ilə qalib gələn Çelsi turnirin növbəti mərhələsinə çıxıb.
Bu gün Bavariya Milanı, Liverpul isə PSV-ni qəbul edəcək. Ilk oyunlarda Liverpul 3:0 hesabı ilə qalib gəlib. Milanla Bavariya görüşü isə 2:2 hesabı ilə nəticələnib .

AzərTAc xəbər verir ki, aprelin 7-də XV ölkə futbol çempionatının güclülər dəstəsində iştirak edən komandalar arasında 21-ci turun iki oyunu keçirilmişdir.
“MKT-Araz” səfərdə “Turan”a qalib gəlmişdir (1:0). “Simurq” isə öz meydanında “Gilanı”ı məğlub etmişdir (3:1).

15-ci milli futbol çempionatının 20-ci turuna yekun vurulub. Qarabağ Bakı oyunu 1:1 hesabı ilə qurtarıb. Neftçi səfərdə Gilanı 4:1, Xəzər-Lənkəran Gənclərbirliyini 2:1, İnter isə Turanı 1:0 hesabı ilə məğlub edib.
21-ci turun oyunları şənbə və bazar günləri keçiriləcək. Ayın 7-də «Turan» - MKT «Araz»ı, «Simurq» - «Gilan»ı, ertəsi gün «Xəzər - Lənkəran» - «Karvan»ı, «Gənclərbirliyi» - «İnter»i, «Olimpik» - «Qarabağ»ı, «Bakı» isə «Şahdağ»ı qəbul edəcək.

Aprelin 2-də futbol üzrə ölkə çempionatının güclülər dəstəsində 20-ci tura start verilib. Ilk oyun günündə 2 oyun keçirilib. Qusarda “Şahdağ”-la görüşən “Simurq” komandası 3:1 hesabı ilə qalib gəlib. Bütün qollar 2-ci hissədə vurulub. İmişlidə “MKT Araz”-la “Olimpik”-in oyununda isə hesab açılmayıb, 0:0.
Turun digər oyunları aprelin 3-də keçiriləcək. “Qarabağ”- “Bakı” ilə, “Xəzər-Lənkəran” - “Gənclərbirliyi” ilə, “İnter” isə “Turan” komandası ilə qarşılaşacaq.
Maddi çətinliklə üzləşən Sumqayıtın “Gənclərbirliyi” klubunun Lənkərana səfəri sual altındadır .

Beynəlxalq Futbol Tarixi və Statistikası Federasiyası (İFFHS) dünyanın 350 ən güclü futbol klubunun növbəti reytinq cədvəlini tərtib edib. Mart ayının cədvəlinə klublarımızdan yalnız “Karvan”-ın adı daxil edilib. Ötən ayla müqayisədə 21 pillə geriləyən Yevlax təmsilçisi 207-ci sıradadır. “Karvan” İrəvanın “Pünik” komandasından 47 sıra üstələyir.
Cədvəldəki 3 türk klubundan “Fənərbaxça” 28-ci, “Kaysərispor” 100-cü, “Trabzonspor” isə 145-ci pillədədir. İspaniyanın “Sevilya”, İtaliyanın “İnter” və Katlan klubu “Barselona” Ilk üçlükdəki mövqelərin qoruyub. 13 pillə irəliləyən Çilinin “Kolo-Kolo” klubu 4-cü, “Milan” komandası isə 5-ci yerdədir.

Aprelin 2-si və 3-də futbol üzrə ölkə çempionatının güclülər dəstəsində 20-ci tura start veriləcək. Ilk oyun günündə 2 oyun keçiriləcək. “Şahdağ” Qubada “Simurq”-u, “MKT-Araz” isə imişlidə “Olimpik”-ı qəbul edəcək.
Turun digər oyunları “Qarabağ”-la “Bakı”, “Xəzər-Lənkəran”-la “Gənclərbirliyi” və “İnter”-lə “Turan” komandası arasında keçiriləcək.
Maddi çətinliklə üzləşən Sumqayıtın “Gənclərbirliyi” klubunun Lənkərana səfəri sual altındadır.

TOPLANIŞDA İCRAİYYƏ KOMİTƏSİ ÜZVLƏRİNİN 13-DƏN 15 NƏFƏRƏ ÇATDIRLIMASI, VƏ ŞOTLANDİYA FUTBOL ASSOSİASİYASININ PREZİDENTİ DEVİD TEYLORUN İYUNUN 1-DƏN UEFANIN YENİ İCRAÇI DİREKTORU VƏZİFƏSİNDƏ İŞƏ BAŞLAMASI QƏRAR ALINIB. 2012-Cİ İLKİ AVROPA ÇEMPİONATINI TƏŞKİL EDƏCƏK ÖLKƏNİN ADI, APRELİN 18-DƏ KARDİFFDƏ AÇIQLANACAQ.