| |
 |
"Bu Səttar Bəhlulzadədir"  |
Azərbaycan rəssamlığında tanınmış sənətkarlardan biri də Səttar Bəhlulzadədir. Böyük rəssamın vəfatından illər keçsədə onun yaradıcılığı rəsm əsərlərinin cazibəliyi sənətsevərlərdə bu gündə maraq doğurur.
Film Səttar Bəhlulzadənin düşüncə ilə dolu təbiətlə sözsüz daxili dialoqları üstündə qurulub. Ekranda rəssamın əsərlərinin böyük bir hissəsi öz təcəssümünü tapıb. Rəssamın hər bir əsəri təbiətin bir parçasıdır. Filmdə rəssam təbiətdə və emalatxanada iş prosesi vaxtı lentdə öz əksini tapmışdır. Filmin axırında Səttar Bəhlulzadənin bir neçə avtoportreti göstərilir və filmi seyr edənlərə bir çox suallardan biri aydın olur: "Görəsən rəssam özünü necə görüb, təsvir edirdi?" |
| |
Ssenari müəllifi:
Rejissor:
Operatorlar:
Səs rejissoru:
Redaktor:
Direktor: |
Anar
R.Axundov
N.Şixaliyev,
O.Əlizadə
R.Qasımova
K.Mehdiyev
M.Qasımov |
|
| Film 1969-cu ildə kinolentə alınıb. |
|
| "Qayıdış"
|
1982-ci
il noyabırın 3-də Naxçıvan torpağında qeyri adi hadisə baş
verib. Böyük Azərbaycan şairi Hüseyn Cavid (1882-1941) 100
yaşının tamamında dəfn edilib. Dahi ustad ölümündən 41 il
sonra öz doğma torpağına tapşırıldı. Bu filmdə böyük şairin
çətin, keşməkeşli və bir qədər də haqsız həyatından söhbət
gedir. Ölməz sənətkar keçən əsrin otuzuncu illərində represiyya
qurbanı olmuş minlərlə istedadlı şəxslərdən biri idi. Çox
saylı təqib və həbslər nəticəsində Hüseyn Cavid öz yaradıcılığına
son qoymalı olur. 1939-cu ildə onu Irkutsk vilayətinə Sibirə
sürgünə gördərirlər. Böyük şair 1941-ci ildə sürgündə, qərib
diyarda dünyasını dəyişir. Buna baxamayaraq Hüseyn Cavid bir
çox nəsillərə öz zəngin əsərlərini bəxş edib. Bu günlərdə
onun "Azərbaycan" poeması, "Ana", "Peyğəmbər",
"Topal Teymur" dramları "Şeyx Sənan" faciəsi
və s əsərləri istər yaşlı nəsildə, istər gənclər arasında
maraqla və böyük rəğbətlə oxunulur, mütaliə edilir. Film Hüseyn
Cavidi tanıyan, onunla ünsiyyətdə olan Qulam Məmmədlinin,
Cəfər Rəmzi Ismayılzadənin, Tağı Tağıyevin, Nigar Qasımovanın,
Rəşid Fətəliyevin xatirələri üstündə qurulub. Filmdə Hüseyn
Cavidin ailəsinin yeganə yadigarı olan qızı Turan Cavidin
öz atasının həyatından bəhs edən xatirələrinə də böyük yer
verilib. Şairin ölməz əsəri "Iblis"dramının televiziya
tamaşasından epizodlar daxil edilib. Həmçinin Irkutsk vilayətinin
Şevçenko kəndində azərbaycanlılardan ibarət ekspedisyanın
böyük şairin qəbrinin axtarış işləri də lentə alınıb. Filmin
finalında Ömər Eldarovun yaratdığı indiki Hüseyn Cavid prospektində
yerləşən ölməz sənətkarın heykəlinin açılış mərasimi verilib. |
| |
Ssenari
müəllifi:
Rejissor:
Operator:
Səs rejissoru:
Redaktor:
Direktor: |
Rafael Hüseynov
Zəyyar Ağayev
Nəriman Şıxaliyev
Firudin Hüseynov
Əhməd Əsgər
Ələddin Vəliyev |
|
| Film 1992-ci ildə "Azərbaycantelefilm"
Yaradıcılıq Birliyində istehsal olunub. |
|
|
|
"Gisas
günü" |
Film
Almaniyada yaşayan əslən Azərbaycanlı olan Ibrahim Əhraridən
bəhs edir. I.Əhrari Cənubi Azərbaycanın - Urmiya şəhərində
doğulub. Elə burada da onun rəssamlığa həvəsi yaranıb. O 1956-cı
ildə Təbrizdə rəssamlıq məktəbinə daxil olur. Lakin o dövrdə
Iranda yaranmış siyasi vəziyyət və Ibrahimin valideyinlərinin
təkidi ilə o rəssamlıq sənətindən uzaqlaşır. 1966-cı ildə
Ibrahim Əhrari Almaniyaya gedir və orada yaşayıb rəssamlıq,
qrafika-dizayn fakultəsini bitirir. 1975-ci ildən Almaniya
Rəssamlar təşkilatının işçisidir. 1988-ci ildən Azərbaycan-Almaniya
mədəniyyəti təşkiltatının yaradanlardan biridir.
I.Əhrarinin əsas məqsədi odur ki, Azərbaycan mədəniyyətini
Almaniyada tanıtdırıb dünyaya yaysın ki, bizim öz mədəniyyətimiz,
öz dilimiz var. Filmdə atların canlı təsfirləri ilə birgə
rəssamın rəsm əsərlərində də at təsfirləri üstünlük təşkil
edir. O da onunla bağlıdır ki, at muradlılıq, igidlilik, qürurluluq
rəmzi daşıyır. I.Əhrarinin də arzusu odur ki, Azərbaycanı,
öz doğma yurdunu bütöv, firavan və qürurlu görsün. Rəssam
öz əsərlərini əsasən abştraksionizm və surrealizm janrında
çəkib. |
| |
Ssenari
müəllifi:
Qurluşçu rejissor:
Operator:
Bəstəkar:
Səs rejissoru:
Direktor: |
Sadıq Elcanlı
Nazim Abbas
Oqtay Əlizadə
Eldar Mansurov
Rəşad Mustafayev
Ələddin Vəliş |
|
| Film 1993-cü ildə "Azərbaycantelefilm"
Yaradıcılıq Birliyində istehsal olunub |
|
|
|
"Əzablı
qurtuluş" |
Film
patriotik-çağırış janrında çəkilib. 1993-cü ildə Azərbaycanda
yaranmış ağır günləri əks etdirir. Minlərlə soydaşımız erməni
separatçıların iyrənc siyasəti nəticəsində öz doğma yerlərindən
didərgin düşüblər. Filmdə o zaman təzəcə yaranmış qaçqın şəhərciklərin
görüntüləri verilib. O acınacaqlı dövrdə Azərbaycan torpağının
övladları suya, çörəyə həsrətli idilər. Film boyu Azərbaycanın
müxtəlif bölgələrində yaşayan ağsaqqalların, ağbircəklərin
halallıqla böyümüş, vətənimizin igid oğlanlarına tövsüyələri,
nəsihətləri verilir. Filmdə həmçinin Dağlıq Qarabağda vuruşan
Azərbaycan əsgərlərinin xalqına döyüş ruhu ilə dolu çağırışları
səslənir.
Filmin lentə alınmasından 11 il keçməsinə baxmayaraq mövzu
bu gün də aktualdır. Çünki indi də Azərbaycan ərazisinin 20
faizindən artığı işğal altındadır, bu günlərdə də minlərcə
qaçqınlar çox ağır şəraitdə yaşayır. Ona görə də hər bir Azərbaycanlının
qəlbində patriotik hisslər, döyüşkən ruh heç vaxt sönməməlidir.
|
| |
Ssenari
müəllifləri:
Qurluşçu rejissorlar:
Qurluşçu operator:
Bəstəkar:
Səs rejissoru:
Direktoru: |
Nazim Abbas
Rəhim Sadıqbəyli
Eldar Məmmədov
Eldar Mansurov
Rəşad Mustafayev
Faiq Seyidməmmədov |
|
| Film 1993-cü ildə "Azərbaycantelefilm"
Yaradıcılıq Birliyində istehsal olunub. |
|
|
|
"Qanlı
Bakı" |
Film
1990-cı ildə Bakı şəhərində baş vermiş qanlı yanvar hadisələrindən
bəhs edir. Yanvarın 19-dan 20-nə keçən gecə Sovet qoşunları
qanunsuz olaraq Bakı şəhərinə yeridildi. Şəhərin yüzlərlə
dinc əhalisi odlu silahdan, zirehli texnikadan açılan atəşlərə
məruz qaldılar. O günlər yüzlərlə günahsız insanlar şəhid
oldular. Həmin gün 20 yanvar hadisəsi SSRI rəhbərlərinin şovinist
maskalarını açıb ifşa etməklə yanaşı, Azərbaycan tarixini
ən parlaq səhifələrindən biri oldu. 20 yanvar Azərbaycan xalqının
azadlığa, müstəqilliyə doğru ən böyük addımlarından biri idi.
Nə qədər ki, Azərbaycan dövləti azaddır, müstəqildir, bir
o qədər də şəhidlərimizin ruhu şad olacaqdır. |
| |
Ssenari
müəllifi:
Rejissor:
Operatorlar:
Montaj:
Səs rejissoru:
Direktorlar:
|
Sadıq Elcanlı
Aydın Dadaşov
Ələkbər Muradov,
Eldar Məmmədov
Gilana Axundova,
Fuad Cabbarov
Firudin Hüseynov
Ələddin Vəliyev
Faiq Seyidməmmədov |
|
| Film 1994-cü ildə "Azərbaycantelefilm"
Yaradıcılıq Birliyində istehsal olunub. |
|
|
|
"Nailə"
|
Film
Azərbaycan rəssamı Nailə Seyfullayevanın yaradıcılığından
bəhs edir. Nailə xanım Azərbaycan dekorativ tədbiqi sənətinin
inkişafında böyük əməyi olan şəxslərdən biridir. Filmdə rəssamın
bir neçə yeni işləri tamaşaçının gözü önündə canlanır.
Təbiətdə rast gəldiyimiz hər bir görüntü gözəldir. Istər hər
hansı qurumuş budağın, solmuş çiçəyin, dəniz suyu ilə itilənmiş
sal daşların öz rəmzi gözəlliyi var. Adi bir ağac budağı ilə,
qurumuş payız yarpağından rəssam əsrarəngiz əl işləri yaradır.
Bu əsərləri seyr edən hər bir tamaşaçı onları yaradanın zəngin
daxili dünyasını, gözəlliyini həmin an duymağa başlayır. Məhz
daxil ən zəngin gözəlliyə malik, ruhən saf insanlar bu cür
yüksək sənət əsərləri yarada bilər. Rəssamın əl işlərindən
ibarət olan kolleksiyası bir çox xarici ölkələrdə nümayiş
etdirilib. Nailə xanımın Azərbaycanda keçirilən böyük sərgisi
də filmə daxil edilib. |
| |
Film üzərində
işləyənlər: |
Telli Pənahqızı
Vaqif Behbudov
Fazil Hadıyev
Firudin Hüseynov
Zaur Mustafayev
Rəhim Seyfullayev
Leyla Vəzirzadə
Ələddin Vəliyev |
|
| Film 1994-cu ildə "Azərbaycantelefilm"
Yaradıcılıq Birliyində istehsal olunub. |
|
|
|
"İşğal"
|
Bir
çox minillik tarixə malik, Azərbaycanın ayrılmaz hissəsi olan
Dağlıq Qarabağ ərazisi XX-ci əsrin son onilliyində dəhşətli
təcavüzlərə məruz qaldı.
08.05.1992-ci il. Şuşa heç vaxt belə faciəli günlər görməmişdi.
Azərbaycan Konservatoriyası adlandırılan Şuşanın ürəyinə dağ
çəkildi. Gövhər qala məscidi tam dağıdıldı. Şuşanın milli
yaddaş saxlancı - muzeylər vəhşicəsinə talan edildi. Neçə-neçə
şuşalı azərbaycanlı girov götürüldü.
17.05.1992-ci il. Azərbaycanın qartallar yurdu, Qarabağın
arxası, söykənci, köməyi Laçın vəhşi düşmən əlləri ilə oda-alova
büründü. Dağlıq Qarabağ inzibati bölgəsinə daxil olmayan Laçın
rayonu Ermənistan silahlı qüvvələri tərəfindən bütövlüklə
işğal olundu.
06.04.1993-cü il. Kəlbəcər, 17.06.1993-cü il Ağdərə, 23.07.1993-cü
il Ağdam, 18.08.1993-cü il Cəbrayıl, 23.08.1993-cü il Füzuli,
31.08.1993-cü il Qubadlı, 25.10.1993-cü il Zəngilan rayonları
eyni aqibətə düçar oldular. Dinc əhalini vəşhicəsinə gülləbaran
edən, günahsız girovları qəddarcasına qətlə yetirən quduz
erməni faşistlərini tarix özü mühakimə edəcək, lənətləyəcək.
Filmdə Azərbaycan Milli Təhlükəsizlik Nazirliyinin xüsusi
arxiv materiallarından içstifadə olunub. Və filmi izləyənlər
erməni daşnaqlarının törətdiyi cinayətlərinin, yalnış siyasətlərinin
əyani şahidi ola bilərlər.
|
| |
Film üzərində
işləmişlər: |
Sadıq Elcanlı
Mirsaleh Axundlu
Nazim Abbas
Akif Qasımov
Rəhim Sadıqbəyli
Oqtay Əlizadə
Azər Ibadov
Eldar Mansurov
Rəşad Mustafayev
Namiq Tağıyev
Ələddin Vəliyev
Vüqar Tapdıqlı |
|
| Film 1994-cü ildə "Azərbaycantelefilm"
Yaradıcılıq Birliyində istehsal olunub. |
|
|
|
"Qara
ney" |
Film
klassik nəfəs alətlərindən sayılan klarnetin mahir ifaçısı
olmuş Məşədi Məhəmməddən bəhs edir. Kasıb ailədə böyümüş,
uşaqlıqdan bir çox çətinliklərlə üzləşmiş Məşədi Məhəmməd
heç bir musiqi təhsili ala bilməyib. Buna baxmayaraq o illərlə
öz musiqi alətinin üzərində zəhmət çəkərək, saf, gözəl musiqi
ifası axtarışında öz sənətinin peşəkarı oldu. Filmdə Məşədi
Məhəmmədin ifasında bir neçə kompozisiya səslənir. Və tamaşaçı
həzin musiqini dinləyərək sənətkarın geniş qəlbini duya bilər.
Filmin ərsəyə gəlməsində tanınmış bəstəkar Rafiq Babayevin
böyük rolu olub. Məhz o, Məşədi Məhəmmədin istedadlı musiqiçi
olduğunu görüb, onun gözəl ifasını bütün Azərbaycana çatdırmaq
istəyib. Lakin film ekrana çıxanda Rafiq Babayev artıq dünyasını
dəyişmişdi. Ona görə də bu film Rafiq Babayevin xatirəsinə
ithaf olunub.
|
| |
Ssenari
müəllifləri:
Quruluşçu rejissor:
Operator:
Rəssam:
Səs rejissoru:
Redaktor:
Montaj:
Direktor: |
Nazim Abbas,
Rəhim Sadıqbəyli
Nazim Abbas
Vaqif Behbudov
Mehriban Sadıqbəyli
Rəşad Mustafayev
Vüqar Tapdıqlı
Etibar Həsənov,
İlham İsayev
Ələddin Vəliyev |
|
| Film 1994-cü ildə "Azərbaycantelefilm"
Yaradıcılıq Birliyində istehsal olunub |
|
|
|
"Attikva"
|
1730-cu
ildə Pirğat deyilən dağlıq hissədən bir qrup yəhudi əhalisi
Quba xanı Fətəli xanın yanına gedərək, ona mürəciət edirlər
ki, onlara Quba ərazisində məskunlaşmağa icazə versin. Elə
o vaxtdan bu günlərə kimi yəhudilər Quba rayonunda kompakt
şəklində yerləşiblər. Onlar Azərbaycanda öz icmasını qurub,
Azərbaycan və Israil dövlətlərində baş verən hadisələrdən
məlumat verən "Aziz" qəzeti, yəhudi mədəniyyəti
və dilini öyrədən gənclərdən ibarət təşkilat yaradıblar. Öz
adət-ənənələrini öyrənməklə yanaşı, Azərbaycan yəhudiləri
Azərbaycan dilini, mədəniyyətini, Azərbaycanda baş verən hadisələri
böyük məmnuniyətlə öyrənirlər.
Azərbaycan torpağında dünyaya gəlib fəaliyyət göstərən akademik
Landau, Fizika Institutunun direktoru Esmanov, Azərbaycan
xalq artisti Rahil Ginzburqun, Taksikologiya mərkəzinin direktoru
professor Eldar Qorinin adları bir çox azərbaycanlı üçün tanış
və doğmadır. Erməni təcavüzkarlara qarşı döyüşlərdə böyük
şücaət göstərən Azərbaycanın Milli qəhrəmanı, tankçı Albert
Aqarunov azərbaycanlıların qəlbinə əbədi həkk olunub.
Yəhudi icmasının dinə münasibəti Azərbaycan Dövlətinin inkişafı
naminə fəaliyyəti yəhudilərin asudə günlərində məşğuliyyəti
filmdə öz əksini tapıb.
|
| |
Ssenari
müəllifləri:
Rejissor:
Operator:
Səs rejissoru:
Montaj:
Redaktorlar:
Direktor: |
Aydın Kazımov,
Rəhim Sadıqbəyli
Rəhim Sadıqbəyli
Adil Abbasov
Rəşad Mustafayev
Ayaz Əliyev, İlham İsayev
Sadıq Elcanlı,
Vüqar Tapdıqlı
Faiq Seyidməmmədov |
|
| Film 1994-cü ildə "Azərbaycantelefilm"
Yaradıcılıq Birliyində istehsal olunub |
|
|
|
"Azərbaycan
Vətənimdir" |
Film
Azərbycan muğamının və xalq mahnılarının mahir ifaçısı olan
Nisim Nisimova həsr olunub. Nisimin qeyri adiliyi ondadır
ki, o Quba yəhudilərindən olan ilk mügənni-xanəndədir. Nisim
Azərbaycan dilində oxuyanda heç kim deyə bilmir ki, o azərbaycanlıdır,
yoxsa yəhudidir. O da ondan irəli gəlir ki, Nisimov Azərbaycana,
daxilən böyük sevgi ilə bağlıdır.
N.Nisimovun sözlərinə görə Azərbaycan muğamı onun üçün sonu
olmayan bir dəryadır və muğamsız həyatı o təsəvvür edə bilmir.
O, bir çox ölkələrdə, xüsusi ilə də Amerika Birləşmiş Ştatlarının
və Kanadanın iri şəhərlərində Azərbayan muğamının sehrini
və ecazkarlığını xarici vətəndaşlara böyük məharətlə tanıtdırıb.
Filmdə Nisim Nisimovun ifasında bir neçə xalq mahnısı lentə
alınıb. Bu mahnıları Quba təbiətinin ecazkar gözəlliyi müşaət
edir.
|
| |
Film üzərində
işləmişlər: |
Nazim Abbas
Rəhim Sadıqbəyli
Akif Qasımov
Oqtay Əlizadə
Rəşad Mustafayev
Namiq Tağıyev
Sahib Heybətov
Vüqar Tapdıqlı |
|
| Film 1994-cü ildə "Azərbaycantelefilm"
Yaradıcılıq Birliyində istehsal olunub |
|
|
|
"Leyla"
|
Leyla
Məmmədbəyova hələ sağlığında ikən canlı əfsanəyə çevrilmişdir.
1932-ci ildə Bakı şəhərində ilk dəfə aeroklub yaradılır. O,
aerokluba gələn gənc təyyarəçilərə təlim keçib və onların
təcrübəsinin artmağına böyük kömək göstərib.
Leyla Məmmədbəyova Azərbaycan təyyarəçiləri tarixində yeganə
qadındır ki, onlarla təyyarəçi kadrı hazırlayıb.
Mikayıl Mikayılovun 1933-cü ildə çəkdiyi, "Ismət"
bədii filmi ona həsr olunub. II-c dünya müharibəsi başlayanda
Leyla xanım and içmişdir ki, qısa bir vaxt ərzində özünün
təyyarəçilər qrupunu yaradacaq və onlarla birlikdə cəhbəyə
uçacaq. Lakin onu cəhbəyə buraxmadılar. O, zaman Leyla xanım
4 uşaq anası idi. Lakin, o, aviyasiya mayoru playner paraşutu
məktəbini açılmasına nail olur. Leyla Məmmədbəyova muharibə
illərində 4 min paraşutçu - desantçı, yüzlərlə təyyarəçi hazırladı.
Onlardan ikisi igidlik göstərdiklərinə görə Sovet Ittifaqı
qəhramanı adına layiq görüldülər.
Filmdə Leyla Məmmədbəyovanın xronika materiyalları və "Ismət"
bədii filmindən parçalar verilib. Həmçinin ilk təyyarəçi qadının
övladlarının xatirələri də filmə daxil edilib.
|
| |
Ssenari
müəllifi və quruluşçu rejissor:
Quruluşçu operator:
Səs rejissoru:
Redaktorlar:
Məsləhətçi:
Direktor: |
Nazim Rza
İsrafiloğlu
Nəriman Şıxəliyev
Ramiz Bağırov
Vüqar Tapdıqlı,
Oqtay Orucov
Məzahir Abbasov
Məhyəddin Əsgərov |
|
| Film 1995-ci ildə "Azərbaycantelefilm"
Yaradıcılıq Birliyində istehsal olunub. |
|
|
|
"Züleyxa"
|
II-ci
dünya müharibəsi mərdlik və şücaət rəmzi olan qəhraman qadınlarını
yetişdirdi: Leyla və Züleyxa kimi azəri qızları, azəri təyyarəçiləri.
Bu öz dövrü üçün görünməyən bir hadisə idi. Onların hər birinin
fəaliyyəti, yolu son dərəcədə dolğun, mənalı və romantik idi.
Film Azərbaycanın hərbi təyyarəçisi, aviasiya kapitanı, Bakı
aeroklubunun yetirməsi Züleyxa Seyidməmmədovaya həsr olunub.
Züleyxa xanım, Jukovski adına hərbi hava akademiyasının məzunu
idi. O II-ci dünya müharibəsi illərində 500-ə qədər döyüş
əməliyyatının bilavasitə iştirakcısı idi. Müharibə dövründə
alayın şturmanı vəzifəsində olan Züleyxa xanım, tabeliyində
olan təyyarəçi qızların hərbi hazırlığının daha da yüksəlməsi
üçün çoxlu vaxt və qüvvə sərf edib, şəxsi nümunə göstərib.
Züleyxa Seyidməmmədova ordudan tərxis olduğdan sonra öz təcrübə
və bacarığını cəmiyyətdən əsirgəmədi. Uzun illər ərzində respublikanın
sosial təminat naziri, bir sıra ictimai təşkilatlarda Azərbaycanı
xarici ölkələrdə təmsil etmişdir. Filmin istehsalı başa çatarkən
təyyarəçi Züleyxa Seyidməmmədova dünyasını dəyişdi. Züleyxa
xanım xalqın qəlbində özünün ikinci ömrünü yaşamağa başladı
- əbədiyyat ömrünü.
|
| |
Ssenari
müəllifi və quruluşçu rejissor:
Quruluşçu operator:
Səs rejissoru:
Redaktorlar:
Məsləhətçi:
Direktor: |
Nazim Rza
İsrafiloğlu
Nəriman Şıxəliyev
Ramiz Bağırov
Vüqar Tapdıqlı,
Oqtay Orucov
Məzahir Abbasov
Məhyəddin Əsgərov |
|
| Film 1995-ci ildə "Azərbaycantelefilm"
Yaradıcılıq Birliyində istehsal olunub. |
|
|
|
"Səma
qardaşları" |
Faşist
Almaniyası səmanı da müharibə meydanına çevirmişdi. Müharibənin
dəhşətləri bütün acılığı ilə Azərbaycanda da hiss olunurdu.
Öz iradəsindən aslı olmadan ölkəmiz istər-istəməz bu müharibənin
fəal iştirakçılarından birinə çevrilmişdi. Yüz minlərlə azəri
övladı silaha sarılıb ön cəhbəyə yollandı.
Film II-ci dünya müharibəsində öz igidliyi və şücaəti ilə
dillər əzbəri olmuş Azərbaycan hərbi təyyarəçiləri Hüseyinbala
Əliyevin, Cahangir Bağırovun, Asəf Səmədovun, Məzahir Abbasovun
döyüş yoluna həsr edilib. Filimdə Azərbaycan təyyarəçilərinin
xatirələri, həmçinin II-ci dünya müharibəsində baş verən hərbi
döyüşlərin xronikası verilib.
|
| |
Ssenari
müəllifi və quruluşçu rejissor:
Quruluşçu operator:
Səs rejissoru:
Redaktorlar:
Məsləhətçi:
Direktor: |
Nazim Rza
Israfiloğlu
Nəriman Şıxəliyev
Ramiz Bağırov
Vüqar Tapdıqlı,
Oqtay Orucov
Məzahir Abbasov
Məhyəddin Əsgərov |
|
| Film 1995-ci ildə "Azərbaycantelefilm"
Yaradıcılıq Birliyində istehsal olunub. |
|
|
|
"Rəqqasə"
|
Film
əməkdar artist, gözəl rəqs ifaçısı olan Tamilla Xudayarovaya
həsr olunub. Filmin süjetinin bir hissəsi rəqqasənin məşq
otağında cərəyan edir. O, burada saatlarla yorulmadan rəqs
nömrələri üzərində məşq edir, çalışır hər bir hərəkəti dəqiqliklə
həyata keçirsin. Uzun illərdi ki, peşəkar rəqs fəaliyyəti
ilə məşğul olmağına baxmayaraq Tamilla Xudayarova yeni musiqi
nömrəsi üzərində rəqs müəllimləri ilə birgə çalışır. Onların
məsləhətlərinə diqqətlə qulaq asır, göstərişlərinə əməl edir
və nəticədə gözəl rəqs nömrəsi Tamilla xanımın ifasında ərsəyə
gəlir.
Tamilla Xudayarova Azərbaycan folklorunun milli rəqs ənənələrini
qoruyub inkişaf etdirənlərdən biridir. Bununla belə o bir
çox ölkələrin rəqslərini də peşəkarcasına ifa edir. Filmdə
Tamilla Xudayarovanın ifasında: xalq mahnısı "Qarabağ
maralı", Tofiq Quliyevin "Darıxma", Cahangir
Cahangirovun "Qarabağ lövhələri", Niyazinin "Arzu"
kompozisiyalarına qurulmuş rəqslər verilib.
|
| |
Film üzərində
işləmişlər: |
Vüqar Tapdıqlı
Oqtay Əlizadə
Kamran Məmmədov
Firudin Hüseynov
Yafət Xeyirov
Məmmədəli Zülfüqarov
Ruslan Seyidməmmədov
Xumar Zülfüqarova |
|
| Film 1995-ci ildə "Azərbaycantelefilm"
Yaradıcılıq Birliyində istehsal olunub. |
|
|
|
"Sirli
şəhər" |
Bakı
həmişə dünyanın müxtəlif yerlərində olan ölkələrin mədəniyyətlərini
bir yerdə məskunlaşdıran bir şəhərdir. Burada Şərq arxitekturasının
incə nümunələrindən olan Qız qalası, Şirvanşahlar kompleksi,
biri-birindən gözəl olan məsçidlərlə bərabər Qərbi Avropanın
müxtəlif mədəniyyət dövrlərində cərəyan edən arxitektur tikililərin,
qədim me`marlıq abidələrinin də özünəməxsus yeri var. Film
Bakı şəhərinin küçələrində yerləşən, Avropa mədəniyyətinə
aid olan qədim abidələrdən, yüzilliklərlə tarixə malik olan
arxitektur binaların üzərində qurulmuş simvollar və naxışlardan
bəhs edir. Filmi seyr edərkən tamaşaçı sanki Fransanın, Italiyanın,
Avstriyanın qədim şəhərlərinə səyahətə yollanır. Filmin süjet
xətti 4 hissədən ibarətdir. 1-ci hissədə Qərbi Avropanın renesans
dövrünə aid olan, 2-ci hissədə intibah dövrünə aid olan, 3-cü
hissədə klassisizm dövrünə aid olan, abidələr və simvollar
lentə alınıb. Filmin sonuncu hissəsi Bakının müasir küçələrini
və tikintilərini əks etdirir.
|
| |
Ssenari
müəllifi və rejissoru:
Operator:
Musiqi tərtibatçısı:
Videomühəndislər:
|
Nazim Salam
oğlu
Vahid Babayev
Mobil Babayev
İlham İsayev
Rauf Sultanov |
|
| Film 1995-ci ildə "Azərbaycantelefilm"
Yaradıcılıq Birliyində istehsal olunub. |
|
|
|
"Qalalı
dağlar" |
Filmdə
Oğuz eli sayılan Tovuz rayonunun etnoqrafiyasından, folklorundan,
iqtisadiyyatından söhbət açılır. Qədim Tovuz torpağı Kiçik
Qafqazın alt çəmənliklərindən başlanıb gedib çıxır Böyük Qafqazın
Cənub tərəfində yerləşən Çoban dağına. Tovuz torpağı aranla-dağın,
yayla-qışın əbədi qovşağı sayılır. Bu ərazinin bir yanında
Kür çayı, o biri tayında Gürcüstan dağlarından axan və Kürə
qovuşan Qavrı çayıdır. Bu çayların arasında geniş otlaqlar,
gözdoyduran dərələr yaranıb. Ümumilikdə Tovuzda dörd çay axır.
Tovuz çayı, Axınçı, Əsrik çay, Ləyən çay. Bu çaylar boyunca
dörd dəfə enib qovuşur düzənə Tovuz dərəsi, Ağdam dərəsi,
Əsrik dərəsi, Xınna dərəsi. Hər dərənin öz gözəl təbiəti bu
gözəlliyə, zənginliyə uyğun obaları, oymaqları var. Filmdə
dağ silsilələrinin görüntüsü, qayaların əzəməti fikri cəlb
edir. Həmçinin Tovuz rayonu ərazisində yerləşən Haça qayanın,
Koroğlu qalasının XVII-ci əsrdə tikilmiş Sultan körpüsünün
təsvirləri verilib. Bu tarixi abidələr Tovuz rayonunun qədimiliyindən,
zəngin adət-ənənəsindən məlumat verir. Bununla belə filmdə
Tovuz rayonunun bu günkü gününün iqtisadi potensialına da
xüsusi yer ayrılıb. Bu günkü gündə burada müxtəlif tədris
və istehsalat müəssisələri; bir çox sənaye, ticarət, tikinti
təşkilatları fəaliyət göstərir. Bu torpaqda meyvə, tərəvəz,
taxıl, bostan bitkiləri yetişdirilir, heyvandarlıqla məşğul
olurlar.
|
| |
Ssenari
müəllifi:
Rejissor:
Operator:
Səs rejissoru:
Direktor:
|
Aydın Qurbanoğlu
Tariyel Vəliyev
Vaqif Behbudov
Firudin Hüseynov
Ələddin Vəliyev |
|
| Film 1995-ci ildə "Azərbaycantelefilm"
Yaradıcılıq Birliyində istehsal olunub. |
|
|
|
"Sirli
salnamələr" |
Azərbaycanda
xalçaçılıq qədim sənət növlərindən biridir. Azərbaycan xalçalarını
seyr etdikdə onları bir kitab kimi, yazı kimi oxumaq olur.
Təkcə Şimali Azərbaycanda xalça sənətinə nəzər yetirəndə,
görmək olar ki, xalçalardakı kompozisiyalar 114-ə bərabərdi.
Bu da təəccüb doğrultmur, çünki türk xalqlarının yaşayış tərzi
köçəri olduğu üçün onların əhatə etdiyi yer uzaq Şərqdən indiki
Azərbaycan və Türk xalqlarının yaşadığı əraziyə doğru gəlib
çatır. Və hər bir ərazidən müxtəlif elementlər toplanıb, Azərbaycanın
qədim etnoqrafiyasında, şərq nağıllarında, əfsanələrində olan
totemlər, cürbəcür şəcərə bəzəkləri xalçalarda öz əksini tapıb.
Film xalçaçı rəssam Hacı Eldar Mikayılova həsr edilib. Filmdə
rəssamın böyük şair Məhəmməd Füzuliyə itthaf elədiyi "Şəbu-Hicran"
xalçasının yaranma tarixçəsindən və rəssamın yaxın gələcəkdə
hansı işlər üzərində işləməsindən söhbət gedir.
|
| |
Film üzərində
işləyənlər:
|
Sadıq Elcanlı
Nazim Abbas
Vaqif Behbudov
Firudin Hüseynov
Rauf Sultanov
Vüqar Tapdıqlı
Sahib Heybətov |
|
| Film 1995-ci ildə "Azərbaycantelefilm"
Yaradıcılıq Birliyində istehsal olunub. |
|
|
|
"Hacı
Arif" |
Film
xalq artisti, görkəmli xanəndə Arif Babayevə həsr olunub.
Arif Babayev zəngin Qarabağ torpağının çoxsaylı istedadlarından
biridir. Sənətkar hələ cavanlıq illərində görkəmli sənətkarlarla
Xan Şuşinski, Zülfü Adıgözəlov, Mütəllim Mütəllimov, Seyid
Şuşinski ilə daim təmasda olub, onların sənətindən bəhrələnib,
muğamın sirlərinə yiyələnib. Bu gün Arif Babayev onların layiqli
davamçısıdır. Xanəndə 1984-cü ildən konservatoriyada müəllim
işləyir. Öz təşəbbüsü ilə orada muğam sinfi yaradıb, muğam
üzrə ilk professor adını qazanıb. Muğamla islamı bir tutan
və onları biri-birindən fərqləndirməyən Arif Babayev bir çox
müqəddəs Məkkə, Kərbəla, Məşhəd şəhərlərini ziyarət edib.
Filmdə təbiət qoynunda Arif Babayevin bir neçə mahnısı və
xarici səfərlərdəki qastrol konsertlərdən fraqmentlər lentə
alınıb.
|
| |
Ssenari
müəllifi:
Quruluşçu rejissor:
Quruluşçu operator:
Səs rejissoru:
Redaktor:
Montaj:
Direktor: |
Mustafa Çəmənli
Nazim Abbas
Adil Abbasov
Rəşad Mustafayev
Sadıq Elcanlı
Yafət Xeyirov,
Arzu Qasımov,
Fuad Əliyev
Vüqar Tapdıqlı |
|
| Film 1995-ci ildə "Azərbaycantelefilm"
Yaradıcılıq Birliyində istehsal olunub. |
|
|
| "P.S." |
Rəbiyyə Səyyadinin "Eyya adası" hekayəsinin motivləri əsasında çəkilmiş televiziya tamaşasıdır. Filmdə baş personaj "Videofilm" studiyasının operatoru Süleymandır. Süleyman yaradıcı insan olduğundan daim öz yeni qəhrəmanlarının axtarışındadır. Onun yanına tez-tez mələklər gəlir, Süleymana yeni həyata başlamaq üçün məsləhətlər verirlər. Ancaq o mələklərin tövsiyyələrindən bəhrələnə bilmir. Süleymanın ətrafında baş verən qəribə hadisələr onu daha maraqlandırmır. Onun düşüncələri çoxsaylı labirintlər çərçivəsinə qapanıb. Və özü də bilmir ki, bu cür vəziyyətə nə vaxtdan düşüb - 1 il, 1 ay yoxsa 1 gün.
Qədim yunan yazıçısı Homerin "Odisseya" poemasından bir neçə qəhrəman personaj kimi filmə daxil edilib.
|
| |
Ssenari müəllifləri:
Quruluşçu rejissor:
Quruluşçu operator:
Quruluşçu rəssam:
Səs rejissoru:
Montaj:
Direktor:
|
Vəli Səyyadi,
Elçin Musa oğlu
Elçin Musa oğlu
Əlövsət Aslanov
Vəli Səyyadi
Firudin Hüseynov
İlham İsayev
Sahib Heybətov |
|
| Film 1995-ci ildə "Azərbaycantelefilm" Yaradıcıdıq Birliyində istehsal olunub. |
|
|
|
"Novruz"
|
Film
Azərbaycanın milli bayramı sayılan Novruz bayramına həsr olunub.
Filmin rejissoru süjeti 4 xətt üzrə bölüb. Bu xətlər qeyd
olunan çərşənbə axşamları ilə bağlıdır: su çərşənbəsi, külək,
torpaq, od çərşəbələri. Film müşahidə xarakteri daşıdığına
görə novruz bayramına hazırlıqlar Azərbaycanın ayrı-ayrı bölgələrində
lentə alınıb. Hər bölgədə bayram qabağı xüsusi tədbirlər görülür,
milli adət-ənənələr həyata keçirilir. Filmin maraqlı cəhəti
ondadır ki, rejissor baharın gəlişini bahar qızının simasında
yox, ağ atın üstündə ağ libasda olan oğlan görkəmində verib.
Filmin sonunda bahar ab-havası Bakıya-Içəri şəhərə gəlib çatır.
Burada bayram tədbirləri keçirilir, milli rəqslər oynanılır,
hər evdə bayram süfrələri, xonçaları düzülür.
|
| |
Ssenari
müəllifləri:
Rejissor:
Operator:
Səs rejissoru:
Montaj:
Direktor: |
Vüqar Tapdıqlı,
Sadıq Elcanlı
Rəhim Sadıqbəyli
Adil Abbasov
Firudin Hüseynov
Fuad Əlişov
Məhyəddin Əsgərov |
|
| Film 1995-ci ildə "Azərbaycantelefilm"
Yaradıcılıq Birliyində istehsal olunub. |
|
|
|
"İstiqlal
şairi" |
Film
Azərbaycanın xalq şairi Bəxtiyar Vahabzadənin 70 illiyi ərəfəsində
lentə alınıb. Şəkidə dünyaya göz açmış şair yaradıcılığını
doğma torpağa həsr etdiyi şerlərdən başlayıb. Onun əsərlərinin
ilkin sınaqları, ilk sözləri Vətən torpağından, el sinəsindən
gəlir. Güclü poetik zəkaya və ilhama malik olan Bəxtiyar Vahabzadə
böyük məhəbbət qazanmış şairlərimizdəndir. Onun sənəti xalqının
mənəvi dünyasından, onun çoxəsirlik tarixindən bəhs edən casarətli
poeziyadır. Məşhur kəlamı: "Yaşamaq yanmaqdır, yanasan
gərək" onun bütün həyatını əks etdirir. O, xalqın xoş
günlərində də, ən çətin dövrlərdə də onları dəstəkləyib, dərdlərinə
şərik çıxıb. Bəxtiyar Vahabzadə millətinin gözündə təkcə bir
şair kimi yox, gözəl mənəvi keyfiyyətlərə sahib olan bir insan
kimi yüksəlib. O nəinki Azərbaycanın, bütün Türk dünyasının
görkəmli şairlərindəndi.
|
| |
Ssenari
müəllifi:
Quruluşçu rejissorlar:
Quruluşçu operator:
Montaj:
Direktorlar:
|
Nahid Hacızadə
Leyla Həzrət Səfər, Firəngiz Qurbanova
Eldar Məmmədov
Əhməd Məcidov
Məhyəddin Əsgərov,
Vüqar Tapdıqlı
|
|
| Film 1996-cı ildə "Azərbaycantelefilm"
Yaradıcılıq Birliyində istehsal olunub. |
|
|
|
"Muzey"
|
Film
Içərişəhərdə fəaliyət göstərən "Əl tikmələri" muzeyindən
bəhs edir. Muzey Elmira Abbaslının təşəbbüsü ilə yaradılıb.
Və muzeydə yerləşən bütün eksponatlar onun əl işləridi. Elmira
xanım həyatının böyük bir hissəsini dekorativ tətbiqi sənətə
bağlayıb. Keçmişdə hər bir evdə işlədilən əşyaların, bəzəklərin,
milli geyimlərin muzeydə özünəməxsus yeri var. Muzeydə hər
bir əşya xüsusi zövq və dəqiqliklə seçilir. Hər bir eksponat
Elmira xanımın daxili aləmini əks etdirir. Muzeydə olan sakitlik
insanı sanki nağıllar aləminə aparır. Öz tarixini, öz nağılını
danışır. Adətən biz bunu tarixi kitablarda oxuyuruq. Lakin
bu muzeydə eksponatların hər biri bir tarixdi. Muzeydə nümayiş
etdirilən hər bir əşya tamaşaçını Azərbaycan xalqının keçmişi
ilə tanış edir. Ona görə də muzeyi ziyarət edənlərin böyük
hissəsini xarici vətəndaşlar təşkil edir. Elmira xanımın bu
sənətə gəlməsində nənəsinin böyük təsiri var. Nənəsinin hər
dediyi kəlamların, nağılların, sakit söhbətlərin Elmira xanımın
əl işlərində öz xüsusi rolu var.
|
| |
Ssenari
müəllifi və quruluşçu rejissor:
Quruluşçu operator:
Səs rejissoru:
Montaj:
Redaktor:
Direktor:
|
Cabbarov Əli
Isa
Vaqif Behbudov
Firudin Hüseynov
Rauf Sultanov
Sadıq Elcanlı
Ruslan Seyidməmmədov
|
|
| Film 1996-cı ildə "Azərbaycantelefilm"
Yaradıcılıq Birliyində istehsal olunub. |
|
|
|
"Valın
üçüncü üzü" |
Film
bəstəkar Fərəc Qarayevə həsr olunub. Filmdə rejissor qəhrəmanın
həyat tərzini ön plana çəkib. Böyük bəstəkardan yadigar qalan
Fərəc Qarayev atasının yolunu davam etməyə qərar vermişdi.
Ancaq bəstəkarı yaradıcılıq illərində həmişə bir neçə sual
narahat edib. O düz yol seçibmi, atasının layiqli davamısı
ola biləcəkmi? Buna görə də Fərəc Qarayevin bəstələləri o
qədər də çoxsaylı deyil. Bəstəkar həyatının bir hissəsini
Moskva şəhərində yaşayıb. O dövrdə də yaradıcılıqla məşğul
olmaq üçün o tez-tez Bakıya gəlib və burada öz doğma şəhərində
yeni kompozisiyalar, yeni əsərlər yaradardı. Fərəc Qarayevin
fikrinə görə 1976-cı ildə "Iki ifaçı üçün sonata"
əsərini yazdığdan sonra o bir bəstəkar kimi formalaşıb. Filmdə
Fərəc Qarayevin "Sevgi dəryasında səyahət", "Qəmli
gecənin qısa melodiyası" və "1791-ci ilin serenadası"
kompozisiyalarından fraqmentlər səsləndirilib.
|
| |
Ssenari
müəllifləri:
Rejissor:
Quruluşçu operator:
Səs rejissoru:
Montaj:
Redaktor:
Direktor:
|
Vəli Səyyadi,
Rafiq Həşimov
Elçin Musa oğlu
Cabbar Kamaloğlu
İkram Məmmədov
Əhməd Məcidov
Vüqar Tapdıqlı
Sahib Heybətov |
|
| Film 1996-cı ildə "Azərbaycantelefilm"
Yaradıcılıq Birliyində istehsal olunub. |
|
|
|
"Tənha ruh"
|
Film təzadlı, əzablı bir yol keçmiş, 1905-ci il Rus–Yapon və I Dünya m üharibəsində rus çar ordusunun generalı kimi misilsiz şücaətlər göstərən general Səməd bəy Mehmandarov haqqındadır. O, Azərbaycan Demokratik Respublikasının yaranmasında əvəzsiz xidmət göstərənlərdən olmuşdu. Azərbaycanda Dövlət təhlükəsizlik sisteminin əsasını qoyan və Milli Ordumuzu yaradan da məhz Səməd bəy Mehmandarov idi.
Filmin ssenari müəllifi Camal Yusifzadə, rejissoru Miri Rzayev, operatoru Adil Abbasov .
|
| |
Ssenari
müəllifi:
Quruluşçu rejissor:
Quruluşçu operator:
|
Camal Yusifzad
Miri Rzayev
Adil Abbasov |
|
| Film "Azərbaycantelefilm"
Yaradıcıdıq Birliyində istehsal olunub. |
|
|
| "İncə dərəsi" |
İncə dərəsi Qazax rayonunun Gürcüstanla sərhəd hissəsində yerləşir. Inci çayının sahilindəki Kəmərli - kimer, Qaymaqlı- qamak, Aslanbəyli- incu kəndləri özünəməxsus yaşayış tərzini bugünə kimi qoruyub saxlayıb. Azərbaycan musiqi folklorunun nümunəsi olan "Qım-qıma" da incə dərəsiylə bağlıdır. Televiziya filmində bu bölgə insanlarının müqəddəs ziyarətgahı olan böyük sufi nəqşibəndi təriqətinin davamçısı Hacı Mahmud əfəndinin türbəsi də lentə alınıb.
|
| |
Ssenari müəllifi:
Quruluşçu rejissor:
Quruluşçu operatorlar:
Səs rejissoru:
Montaj:
Redaktor:
Direktor: |
Aydın Qurbanoğlu
Ramazan Mezim
İzzət Əzizov,
Mətləb Yaqubov
Firudin Hüseynov
Rauf Sultanov
Sadıq Elcanlı
Məhyəddin Əsgərov |
|
| Film "Azərbaycantelefilm" Yaradıcıdıq Birliyində istehsal olunub. |
|
|
| "Seyid nigari" |
Film Sufi ədəbiyyatının görkəmli nümayəndəsi Mir Həmzə əfəndinin taleyi ilə bağlıdır. O, 1795-ci ildə Qarabağın Cicimli kəndində Mir Rüknəqin əfəndinin ailəsində dünyaya gəlib, 1886-cı ildə Türkiyədə vəfat edib. Vəsiyyətinə görə Amasiya şəhərindəki "Şirvan camisində" torpağa tapşırılan Mir Həmzə əfəndinin "Divanı" vəfatından sonra Tiflisdə, İ stanbulda və Bakıda nəşr olunub. O, Nəqşibənd təriqətinin davamçısı kimi poeziyanın klassik nümunələri olan tərcin, tərcibənd və qitəyə müraciət edirdi.
|
| |
Ssenari müəllifi:
İdeya müəllifi:
Quruluşçu rejissor:
Quruluşçu operator:
Səs rejissoru:
Montaj:
Redaktor:
Direktor: |
Yaqub Əlioğlu
Vüqar Tapdıqlı
Rafiq Dadaşov
Nəriman Şıxəliyev
Ceyhun Ağayev
Yafət Xeyirov
Aydın Qurbanoğlu
Məhyəddin Əsgərov |
|
| Film "Azərbaycantelefilm" Yaradıcıdıq Birliyində istehsal olunub. |
|
|
| "Ömür yolu" |
Abdulla Babayev Azərbaycan xalq mahnılarının, muğamlarımızın mahir ifaçısıdır. Naxçıvanda yaşayan 80 yaşlı xalq artisti, musiqi xəzinəmizin incilərini özünəməxsus tərzdə xalqa çatdırır.
Filmdə mahir sənətkarın ömür yolunun yaddaqalan məqamları bədii səhnələrlə əks etdirilir.
Bədii-sənədli televiziya filminin:
|
| |
Ssenari müəllifi:
Quruluşçu rejissor:
Quruluşçu operator:
Səs rejissoru:
Montaj:
Redaktor:
Direktor: |
Eldar İskəndərzadə
Vasif Məmmədzadə
Mahir Cahangirov
Rəşad Mustafayev
Şahin Nəcəfov
Vüqar Tapdıqlı
Xəqani Savalandır |
|
| Film "Azərbaycantelefilm" Yaradıcıdıq Birliyində istehsal olunub. |
|
|
| "Yaxşı adam haqqında" |
Müşahidə səpkisində çəkilən film Şəki şəhər mərkəzi mədəniyyət evinin rəhbəri Vaqif Kərimovun mədəniyyət və incəsənət sahəsindəki xidmətlərindən bəhs edir. 64 illik ömrünün 40 ilini peşəsinə həsr edən Vaqif müəllim işində intizamlı və səliqəliyi ilə seçilir. O, həm də şirin yumoru ilə şəkililərin sevimlisidir. Qəhrəmanın portretini bəzək-düzəksiz, bütün çalarları ilə verməyə çalışan yaradıcı heyət filmdə musiqi tərtibatından daha çox, təbii səs-küyə üstünlük verib.
|
| |
Quruluşçu rejissor:
Quruluşçu operator:
Səs rejissoru:
Montaj:
Redaktor:
Direktor: |
Əli İsa Cabbarov
Adil Abbasov
Rəşad Mustafayev
Rauf Sultanov
Vüqar Tapdıqlı
Sahib Heybətov |
|
| Film "Azərbaycantelefilm" Yaradıcıdıq Birliyində istehsal olunub. |
|
|
| "Rəssam Ponomaryov" |
Portret janrında çəkilən film Volqa sahilində, Saratovda doğulmuş Viktor Ponomaryovun ömür yolunu əhatə edir. Müharibənin od-alovundan keçərək Qafqaza, daha doğrusu Gəncəyə üz tutan rəssam elə bura gəldiyi gündən Azərbaycanın torpağına, təbiətinə bağlanıb. Bu film əsərləri bir sıra ölkələrdə sərgilənən əslən rus Azərbaycan rəssamına həsr olunub.
|
| |
Ssenari müəllifi:
Rejissor:
Operator:
Səs rejissoru:
Redaktor:
Direktor:
|
Mahir İsayev
Rafiq Dadaşov
Nəriman Şıxəliyev
Ceyhun Ağayev
Vüqar Tapdıqlı
Valeh Həsənov |
|
| Film "Azərbaycantelefilm" Yaradıcıdıq Birliyində istehsal olunub. |
|
|
| |
| |
| |
|
