“Diriliş Ərtoğrul” teleserialının baş rol ifaçısı Engin Altan Düzyatan AzTV-nin “Hədəf” proqramına telefonla bağlanaraq açıqlamalar verib.

Artıq AzTv-də də yayımlanmağa başlamış serialın “Ərtoğrul bəyi” azərbaycanlı pərəstişkarlarına ürək sözlərini çatdırıb. Aktyor Azərbaycan Televiziyası ilə TRT-nin birgə həyata keçirəcəyi layihələrdə məmnuniyyətlə iştirak etmək istədiyini dilə gətirib.

O, iki qardaş ölkənin əsas kanallarının birgə lentə alacağı filmlərin baş roluna dəvət alarsa, böyük həvəslə qəbul edəcəyini deyib.