BMT-nin 1987-ci il Konvensiyasına daxil olan ölkələrin “Narkotik vasitələrin və psixotrop maddələrin qanunsuz dövriyyəsinə qarşı mübarizə haqqında” bəyannaməsinə əsasən, dünya əhalisi 26 iyun tarixini Narkomaniya və Narkobiznesə qarşı Ümumdünya Mübarizə Günü kimi qeyd edir.

Azərbaycan Televiziyasının (AzTV) “Hədəf” verilişinin 26 iyun tarixli günorta buraxılışının mövzusu da məhz bu narkomaniya ilə mübarizə olub.

Respublika Narkoloji Mərkəzinin (RNM) şöbə müdiri Zamin Əliyev, Daxili İşlər Nazirliyinin Baş Narkotiklərlə Mübarizə İdarəsinin rəisi İslam Hümbətov və Milli Qeyri-Hökumət Təşkilatları Forumunun (MQF) prezidenti Rauf Zeyni verilişin qonağı olublar. Qonaqlar hər biri öz sahaəsi üzrə tamaşaçılara məlumat verib.