"Mədəniyyət" kanalında Vasif Adıgözəlov və Xəyyam Mirzəzadə həftəsi başlayır

27 Aprel, 14:37 Sosial mediada paylaşın:

"Mədəniyyət" kanalı ilə Mədəniyyət Nazirliyinin birgə “Bizi birləşdirən mədəniyyət” layihəsi çərşivəsində 27 aprel–3 may tarixləri Vasif Adıgözəlov və Xəyyam Mirzəzadə həftəsi elan edilib.

 Televiziyanın “Əbədiyaşarlar” layihəsində Vasif Adıgözəlov və Xəyyam Mirzəzadə telehəftəsi çərçivəsində bəstəkarların müxtəlif janrda yazdığı əsərlər Azərbaycan Mədəniyyət Nazirliyinin tabeçiliyində olan sənət ocaqlarının nümayəndələrinin təqdimatında öz əksini tapacaq.

Belə ki, Akademik Opera və Balet Teatrı, Müslüm Maqomayev adına Azərbaycan Dövlət Akademik Filarmoniyası, Azərbaycan Dövlət Akademik Musiqili Teatr, Bakı Şəhər Mədəniyyət Baş İdarəsinin tərkibində olan musiqi məktəbləri, eyni zamanda, regionlarda yerləşən musiqi məktəbləri də telehəftədə öz töhfələrini verəcəklər. Bununla yanaşı, Azərbaycan Milli Konservatoriyası, Üzeyir Hacıbəyli adına Bakı Musiqi Akademiyası, Azərbaycan Dövlət Mədəniyyət və İncəsənət Universiteti və bu universitetin nəzdində olan gimnaziya da öz tələbə və müəllim heyətinin çıxışları ilə layihədə iştirak edəcək.

CANLI YAYIM