zərbaycan Ordusunun bayraqdarlar heyəti Belarus Respublikasının Müstəqillik Günü münasibətilə iyulun 3-də keçiriləcək hərbi paradda iştirak etmək üçün Minskdə səfərdədir.
Müdafiə Nazirliyinin mətbuat xidmətindən bildiriblər ki, hərbi qulluqçularımız digər ölkələrin parad heyətləri ilə birlikdə hazırlıq məşqlərinə başlayıblar.
Hərbi paradda Azərbaycan Ordusunun bayraqdarlar heyəti ilə yanaşı, Belarus, Rusiya və Çinin parad heyətləri də iştirak edəcəklər.