Birinci vitse-prezident Azərbaycan xalqını təbrik edib

31 Oktyabr, 11:49 Sosial mediada paylaşın:

Azərbaycanın Birinci vitse-prezidenti Mehriban Əliyeva Bakının UNESCO-nun “Yaradıcı şəhərlər şəbəkəsi”siyahısına daxil edilməsi münasibətilə Azərbaycan xalqını təbrik edib.

AZTV.AZ xəbər verir ki, bu barədə Mehriban Əliyeva rəsmi instaqram səhifəsində paylaşım edib.

“Təkrarsız tarixi siması qorunaraq müasir memarlıq inciləri ilə daim gözəlləşən Bakı şəhəri 31 oktyabr - Dünya Şəhərlər Günündə “dizayn” tematikası üzrə UNESCO-nun “Yaradıcı şəhərlər şəbəkəsi”siyahısına daxil edilib. Paytaxtımızın tarixi üçün əlamətdar olan bu hadisə münasibətilə həmvətənlərimi təbrik edirəm, ölkəmizin bütün şəhərlərinə sülh, inkişaf, tərəqqi, mehriban, qonaqpərvər sakinlərinə isə xoşbəxtlik və firavanlıq arzulayıram!”, - deyə paylaşımda qeyd olunub.