“Antibiotiklərin istifadəsi ilə bağlı problem COVID-19 pandemiyası nəticəsində daha da pisləşib. Antibiotiklərin sözügedən infeksiyanı müalicə etməməsinə baxmayaraq, pandemiya dövründə bu preparatlardan istifadə artıb”.

Ümumdünya Antimikrob Preparatlardan Düzgün İstifadəyə dair Maarifləndirmə Həftəsinə həsr olunan dəyirmi masada bu fikirlər səsləndirilib.

Bildirilib ki, antibiotiklərdən pərakəndə istifadə fəsadlara səbəb olur. Tədbirin də məqsədi əhali arasında maarifləndirmənin səviyyəsini artırmaq üçün səmərəli həll yollarını müəyyənləşdirməkdir.

Tədbirdə antimikrob preparatlara qarşı davamlılıqda insan, heyvan və ətraf mühiti ehtiva edən vahid yanaşma haqqında müzakirələr aparılıb.