Aprelin 15 və ya 16-da bir sıra şəhər və rayonda 11-ci sinif şagirdləri üçün buraxılış imtahanı keçiriləcək.
Prosedə iştirak edəcək şagirdlər Dövlət İmtahan Mərkəzinin saytından istifadə etməklə imtahana buraxılış vərəqəsini, təhsil müəssisələri isə bütün şagirdlərin imtahana buraxılış vərəqələrini, eləcə də “İmtahan iştirakçısının sağlamlığı haqqında bəyannamə”ni çap edə bilərlər. Bəyannamə ayrıca vərəqdə çap olunmalıdır və imtahan günü şagird tərəfindən imzalanmaqla imtahan nəzarətçisinə təqdim edilməlidir. Şagirdlər iş nömrəsini təhsil aldıqları məktəbdən öyrənə bilərlər.
