Keçən il Azərbaycan ilə Çexiya arasında ticarət dövriyyəsinin həcmi 57 faiz artaraq 1 milyard ABŞ dollarını ötüb.
Bu barədə İqtisadiyyat nazirinin müavini Rüfət Məmmədov mayın 16-da Bakıda keçirilən Azərbaycan-Çexiya biznes forumunda deyib.
Nazir müavini qeyd edib ki, Çexiya şirkətləri Azərbaycanda ümumi dəyəri 2,8 milyard dollarlıq layihələrdə iştirak ediblər. Çexiyanın Cənubi Qafqazdakı investisiya qoyuluşlarının 88 faizi Azərbaycanın payına düşür.