Pandemiya səbəbindən Gürcüstanı tərk edə bilməyən daha 250 Azərbaycan vətəndaşı yanvarın 15-də ölkəmizə təxliyə ediləcək.
Təxliyə olunacaq şəxslər sabah koronavirus testindən keçiriləcək və nəticələr yanvarın 14-də açıqlanacaq. COVID-19 aşkarlanmayanlara “Qırmızı körpü” sərhəd-keçid məntəqəsi yaxınlığında xüsusi arayışlar veriləcək və onlar Vətənə dönə biləcəklər.
Qeyd edək ki, pandemiya dövründə Gürcüstan vasitəsilə 2 minə yaxın azərbaycanlının Azərbaycana qayıtması təmin edilib.
