Dağlar qoynunda yerləşən Laçında 200-dən çox tarixi memarlıq abidəsi var. Burada 24 türbə, 16 məbəd yerləşir. Qədim alban yurdunda monastırlar və xristian məbəd kompleksləri üstünlük təşkil edir. Buradakı ən iri monastır kompleksi Ağoğlan monastırıdır.
Bölgədəki saysız-hesabsız at və qoç heykəlləri Laçının simvolu sayılır.
Laçın uzun illər erməni işğalı altında qalsa da, bölgə ilə bağlı tarixi faktları və abidələri saxtalaşdıra bilməyiblər. Əsrlər boyu bu bölgədə yaşayan Azərbaycan xalqının toponimləri indi də ermənilər tərəfindən olduğu kimi səsləndirilir.